Hoxe venres, 30 de xaneiro, rendimos homenaxe á PAZ, a compañeira que a partir de hoxe viaxará con nós alá onde vaiamos.
Comezamos a xornada, decorando a entrada do colexio cun gran arco da vella da PAZ, onde previamente cada clase pintou un elemento: corazóns, flores, estrelas, árbores, pombas, mans e bonecos.
De seguido, os alumnos de infantil e primeiro grupo léronnos uns poemas cheos de sentimentos e bos desexos .
Os alumnos de segundo grupo leron os acrósticos, poemas e caligramas, que eles mesmos elaboraron, para a construción dun mundo mellor, máis xusto, máis humano e tolerante.
Acto seguido visualizamos "o conto dos sentimentos" protagonizado polos alumnos de primaria que podedes ver no seguinte enlace.
Para finalizar a xornada cantamos e bailamos a canción "Alegría" de María Fumaça
No seguinte enlace podedes ver o transcurso na xornada.
No hay comentarios:
Publicar un comentario